Haddii aad rabto inaad ka shaqeyso Jarmalka, waxaad u baahan tahay Sozialversicherungsausweis (kaarka amniga bulshada) oo leh Sozialversicherungsnummer (lambarka amniga bulshada) .
Haddi aanad waligaa ku shaqaynin oo ku xidhan tabarucaadka soshal sekuuritiga, cida aad u shaqayso ayaa ku codsan doona lambarkaaga marka aad hesho warqada mushaharka ee ugu horeysa. Xaaladdan oo kale, waa inaad sidoo kale u sheegtaa loo-shaqeeyahaaga meesha aad ku dhalatay.
Shirkaddaada caymiska caafimaadka, Bundesagentur für Arbeit (Hay’adda Shaqada ee Federaalka) ama cidda aad u shaqayso ayaa kugu diiwaan gelin doona nidaamka hawlgabka Jarmalka.
Kadib waxaad heli doontaa lambarkaaga caymiska.
Fadlan la socodsii dadka ay khusayso haddii aad hore u lahayd lambarka caymiska Jarmalka.
Fiidiyow ku saabsan kaadhka badbaadada bulshada
©Video laga soo qaaday Caymiska Hawlgabka Jarmalka
Waxaad si toos ah ugu heli doontaa lambarkaaga sooshal sekuuritiga boostada marka ugu horraysa ee aad ka shaqeyso Jarmalka oo ay ku xiran tahay tabarucaada badbaadada bulshada. Tani waxay khusaysaa shaqo-buuxa, waqti-dhiman ama shaqo-yar.
Lambarka bulshada maaha lambarka caymiska ee kaadhkaaga caymiska caafimaadka . Haddii aadan weli shaqayn, waxaa laga yaabaa inaadan weli haysan lambarka ceymiska bulshada. Markaa waxaad mid ka dalban kartaa khasnadda caymiskaaga caafimaadka.
Waxaad ka heli kartaa lambarkaaga sooshal sekuuritiga (oo inta badan loo soo gaabiyo SV) dukumentiyada soo socda:
Warqadda lacag-bixinta: Lambarkaaga bulshada wuxuu badiyaa ku yaal dukumeentiga aad ka hesho loo-shaqeeyahaaga marka mushaharkaaga la bixiyo. Inta badan waxaa halkaas loogu yeeraa “lambarka SV”.
Kaarka badbaadada bulshada: Waxa aad kaarkan ku heli doontaa boostada marka ugu horraysa ee aad ka shaqeyso Jarmalka oo ay ku xidhan tahay tabarucaada badbaadada bulshada.
1. Waydii shirkaddaada caymiska caafimaadka.
2. La xidhiidh Caymiska Hawlgabka Jarmalka: Waxaad kala xidhiidhi kartaa lambarka bilaashka ah 0800 1000 4800.
Ama wac Deutsche Rentenversicherung Bund lambarka taleefanka adeegga: 0800 1000 480 70
3. Codso kaar cusub oo badbaado bulsho: Waxaad tan ku samayn kartaa onlayn Deutsche Rentenversicherung.
Sida caadiga ah, laguguma siin doono nambarka sooshal sekuuritiga ee taleefanka (ilaalinta xogta). Taa beddelkeeda, kaar cusub oo badbaado bulsho ah oo lambarkaaga wata ayaa boosto laguugu soo diri doonaa dhawr maalmood gudahood.
Haddii qof dhalinyaro ah uu bilaabayo tababarka markii ugu horeysay, waxaad ka heli kartaa nambarka sooshal sekumentiga khasnadda caymiska caafimaadka ama qasnada hawlgabka . Shaqaaluhu waxa ay qasnada caymiska hawlgabka ka heli doonaan warqad ay ku wargelinayaan nambarkooda badbaadada bulshada
Lambarka canshuurta
Waxaad sidoo kale u baahan tahay Steuernummer (lambarka canshuurta). Kadib markaad isdiiwaangeliso, Bürgerbüro (xafiiska muwaadiniinta ) ayaa si toos ah xogtan ugu gudbin doona Finanzamt (xafiiska cashuuraha). Kadibna lambarkaaga cashuurta waxaad ka heli doontaa xafiiska cashuuraha boostada.
Miyaad lumisay, ma qalday ama ma illowday lambarkaaga aqoonsiga?
👉🏽 Waxaad ka dalban kartaa lambarka aqoonsiga canshuurta halkan
Waxaad boostada ku heli doontaa lambarka aqoonsiga canshuurta cinwaankaaga diiwaangelinta.
❗ Wakhtiga habayntu waa ilaa afar toddobaad
Kaarka badbaadada bulshada